X
تبلیغات
رایتل

پهره..وبلاگ فرهنگی هنری وادبی بلوچستان

تو بگش

تو بگش
من کجام دردَی تانجوان ماران تو بگش
گم جتین زردَی کسّوان کاران، تو بگش
یک گمی بوجیت، آ دگه بندنت کوکری
دان کدی رنجَی دامنا داران ، تو بگش
په تیی رنج و په تیی دردان داتگین

دارو و درمان چه کجا بیاران ، تو بگش
یکبری ماتی تو منا امبازان بزیر
ابوری بابی ، په ترا گاران ، تو بگش
مَی امیت گُدی ، آسری دیوان ات تیی
نی کجام سر تلّان ترا چاران ، تو بگش
ماریان برزین نشتگ و گپتاران جنَی
چون ترا درد انت په مَی واران ، تو بگش
سرپدَی وت که چه وتی کردان زاهرین
کَی ادا سوچیت دنگر و داران ، تو بگش
دم کنَی وهدی منّهان سارتین گام په گام
کَی ببارت دیرین منزلی باران ، تو بگش
ای منی تیکی چیزّکی پربند انت ، علی
بی نپین گالان په کیا شاران ، تو بگش
علی بکش دشتیاری