X
تبلیغات
رایتل

پهره..وبلاگ فرهنگی هنری وادبی بلوچستان

هَمُک ڈُکال ءِ رَند ءَ کَیت بهارے

هَمُک ڈُکال ءِ رَند ءَ کَیت بهارے 

گُلامی ءَ چه پَد نوک روزگارے
مدامی بَند و کُنٹ ءِ هم نه بیت زور
شپ ءِ جنگ ءَ په دَرکیت شهسوارے

پناه بیت په گَریب و سُهته روچاں
گُهورتے ؛ شیر بیمے ؛ سرمچارے
پدا ٹِک دنت اُمیت ءِ بامگواهے
پدا جهدانی روشن بامسارے
نبیت انت جان ءِ دُژمن امن گُں زور
مدام هونانی رَند کیت آسگوارے
گَم ءِ کُٹیت هم زَهریں شَهمات
پدا وَشی ءِ کیت پُل بویں وارے
همے آجویی ءِ رُژن انت بَلیت دل
پدا سوبانی گِرئند اِنت کَنت توارے
شپ ءَ مِستاگے داتگ ما را بیلے
چه زَهر و تُهل ءَ رَند کیت مهروارے

کریم بلوچ ـ تَهل
۰۹/۰۳/۱۱
آدیسه - اک